Դպրոցականներն այցելեցին ԵՊՀ

Հարկ է արձանագրել, որ այս դպրոցի ներկայացուցիչներն արդեն 18 տարի շարունակ ճիշտ նույն օրը, այցելում են Պատմության ֆակուլտետ, իսկ «Վարդանանք» ռազմահայրենասիրական դաստիարակության ակումբի անդամները «Դասը վարում են համալսարանականները» ծրագրի շրջանակներում այցելում են նույն դպրոցն ու պարզում աշակերտների նախասիրություններն ու հետաքրքրությունները:

 

Պատմության ֆակուլտետի դեկան Էդիկ Մինասյանը, ողջունելով դպրոցականներին, պատասխանեց նրանց հետաքրքրող և հուզող հարցերին, որոնք վերաբերում էին ընդունելության քննություններին ու ֆակուլտետում գործող մասնագիտություններին: Պարոն Մինասյանը ներկայացրեց նաև 95-ամյա ֆակուլտետի կառուցվածքը, ուսանողական կառույցներն ու մագիստրոսական ծրագրերը:

 

Հաջորդ հանդիպումն էլ ԵՊՀ միջազգային հարաբերությունների ֆակուլտետում էր: Բաղրամյանի շրջանի Լեռնագոգ գյուղի 11-րդ դասարանի աշակերտները հանդիպեցին ֆակուլտետի դեկան Գեղամ Պետրոսյանի հետ, ներկայացրին իրենց հուզող հարցերը, իսկ Բաղրամյանի շրջանի Քարակերտ գյուղի համար 2 միջնակարգ դպրոցի շուրջ 30 աշակերտ մի քանի ուսուցիչների հետ այցելեցին ԵՊՀ իրավագիտության ֆակուլտետ:

 

Դեկան Գագիկ Ղազինյանը ապագա դիմորդներին ներկայացրեց «Իրավագիտություն» մասնագիտության կարևոր ու առանցքային կետերը: Հանդիպման ընթացքում դպրոցականները տեղեկացան նաև պրոֆեսորադասախոսական անձնակազմի, ֆակուլտետում գործող ուսանողական կառույցների ու համալսարանական ակումբների մասին: 

 

Աղբյուրը՝ ysu.am