Շնորհակալության օրը Սևանի Խ.Աբովյանի անվան ավագ դպրոցում

Կրթական 2014-12-11

Ամեն տարի նոյեմբերի չորրորդ շաբաթվա հինգշաբթի օրն ամերիկացիները նշում են Շնորհակալության օրը` “Thanhsgiving Day”: 1620թ.-ին ամերիկացիները լքում են իրենց երկիրը և առևտրական նավով գնում դեպի Արևմուտք: Բազում զոհերից և մեծ ջանքերից հետո, հնդիկների օգնությամբ նրանք կարողանում եn ոչ միայն գոյատևել, այլև սովորում են ստեղծել օրվա ապրուստը:

Եվ այդ տարի նրանք մեծ բերք են ստանում: Ամերիկացիները որոշում են շնորհակալություն հայտնել Աստծուն իրենց ունեցած հաջողությունների համար, և այդ արարողությունը դառնում է ավանդույթ, որն ամեն տարի նշում են մեծ շուքով:

Նոյեմբերի 28-ին արևմտյան շունչը մտել էր Սևանի Խ.Աբովյանի անվան ավագ դպրոց՝ հումանիտար հոսքի 11-րդ դասարան: Աշակերտներն անգլերենի ուսուցչուհի Ռուզաննա Դալլաքյանի գլխավորությամբ որոշել էին շնորհակալություն հայտնել իրենց ձեռքբերումների համար:

Դասարանը ձևավորված էր տոնին համապատասխան: Աշակերտները ջանք չէին խնայել տոնը ճիշտ ներկայացնելու համար: Սեղանը ձևավորված էր տոնին հատուկ ուտեստներով` դդումով և նրանով պատրաստված կարկանդակով:

Դասին ներկա էին դպրոցի տնօրինությունը, բազմաթիվ ուսուցիչներ և աշակերտներ:

Ուսուցչուհին, տարբեր մեթոդներ կիրառելով, անցկացրեց դասը` հյուրերին ծանոթացնելով տոնի բովանդակությանը:

Դասն ուղեկցվում էր գեղեցիկ երաժշտությամբ, որն հաղորդում էր տոնական տրամադրություն: Ներկաները հիացած էին դասի բովանդակությամբ:

Շնորհակալության օրը Սևանի Խ.Աբովյանի անվան ավագ դպրոցում

Բաց մի թողեք նաև...