Յուրօրինակ բաց դաս Գյումրու «Օյունջյան» հիմնական դպրոցում

Սպիտակ գլխարկներ ու գոգնոցներ հագած աղջիկները նմանվել էին փոքրիկ խոհարարների, իսկ դասարանը՝ խոհանոցի, ուր տարածվել էին տարատեսակ բույրեր:

 

Հմուտ ուսուցչուհու օգնությամբ բանջարեղենները շուտով վերածվեցին համեղ ու ախորժալի աղցանների: Քիչ անց տարածվեց թխվածքի բույրը: Հաճելի էր տեսնել, թե ինչպիսի սիրով ու ոգևորությամբ էին աշխատում աղջիկները:

 

Այնուհետև սկսեցին կտրատել մրգերը և զարմանալիորեն հայտնվեցին բանան-դելֆինները, զամբյուղ-նարինջները, ծաղիկ-խաղողները՝ զարդարված նռան հատիկներով:

 

Քիչ անց աշակերտները թխվածքը, մրգերն ու աղցանները հյուրասիրեցին ուսուցիչներին: Տեխնոլոգիայի այդ դասաժամն ուներ ուսուցողական նշանակություն, որի մեջ համատեղված էին հաճելին, գեղեցիկը և օգտակարը: