Երգը բարեկամության կամուրջ է

 

Երգերը ներկայացված էին հինգ ժանրերով` ռուսական ժողովրդական երգ, ռուսական հայրենասիրական երգ, ռուսական ռոմանս, ռուսական էստրադային և մանկական երգ, հայկական երգ ռուսաց լեզվով:

 

Փառատոնին մասնակցում էին տարբեր տարիքային խմբի երեխաներ: Հաղորդավարները հյուրերին դիմավորեցին աղ ու հացով, խոսեցին հայ և ռուս ժողովուրդների բարեկամության մասին: Աշակերտուհին արտասանեց “Россия, Россия!” բանաստեղծությունը, մասնակիցները կատարեցին իրենց երգերը: Փառատոնի ժյուրին ընտրեց հինգ մասնակցի, որոնք ներկայացան փառատոնի տարածքային փուլին:

 

Տարածքային փուլում լավագույն կատարմամբ հանդես եկավ աշակերտուհի Սաթենիկ Սահակյանը և ժյուրիի որոշմամբ ներկայացվեց մարզային փուլ: Օրերս Մարտունի քաղաքում կայացած մարզային փուլում Սաթենիկը հաղթող ճանաչվեց և իրավունք ստացավ մասնակցելու փառատոնի եզրափակիչ փուլին, որը տեղի կունենա Երևանում: