Համագործակցությունն ընդլայնվում է

Հյուրերին ողջունել է ԵՊՀ ռեկտոր Արամ Սիմոնյանը, ով նշել է, որ Կազանի համալսարանի հետ համագործակցությունը տարիների պատմություն ունի և այն, անկասկած, ունի զարգանալու միտում:

 

«Կազանի դաշնային համալսարանի ֆիզիկայի ինստիտուտը գիտական հետազոտությունների, ինչպես նաև դրանց կիրառման ոլորտում լուրջ կշիռ ունի Ռուսաստանի Դաշնության ողջ տարածքում, ուստի համագործակցությունը կարող է էականորեն դրական ազդեցություն ունենալ մեր համալսարանի գիտական զարգացման վրա»,- նշել է ԵՊՀ ռեկտորը:

 

Արամ Սիմոնյանը հավելել է նաև, որ կողմերը շահագրգռված են ոչ միայն բնական գիտությունների ոլորտում համագործակցության զարգացմամբ, այլև առանձնակի ուշադրություն են դարձնում նաև հումանիտար ճյուղերին:

 

Ալբերտ Ագանովը շնորհակալություն է հայտնել հյուրընկալության համար և շեշտել, որ հայ գիտական ներուժին դեռևս խորհրդային տարիներից ծանոթ է, ուստի Հայաստանի, մասնավորապես՝ Մայր բուհի հետ համագործակցությունը կարևոր է իրենց համար:

 

Կազանի դաշնային համալսարանի ֆիզիկայի ինստիտուտի աշխատակիցը տեսապատկերների միջոցով ներկայացրել է ինստիտուտի և ընդհանրապես համալսարանի կրթական, գիտական, ուսանողական ու մշակութային ոլորտներն և զարգացմանն ուղղված հետագա ծրագրերը:

 

Աղբյուրը՝ ysu.am