Սևանի Խ. Աբովյանի անվան ավագ դպրոցը՝ մեծանուն գրողին նվիրված միջոցառման մասնակից

Թանգարանի բեմում իրենց ելույթներով օրը հիշարժան դարձրեցին դպրոցի սաները: Ասմունք, պարային անզուգական կատարումներ և, իհարկե, օրվան համահունչ երգերի մի ամբողջ շարք:

 

Օրվա խորհուրդը Սևանի ավագ դպրոցի սաները ամփոփեցին մեծ գրողի խոսքերով` նվիրված ծննդավայրին՝ «Քանաքեռ, իմ սիրագորով ծննդավայր, քո անունը, քո հրապույրներն ավելի վսեմ են, առավել երջանկացնող, քան ես երախտագիտությամբ ու երկյուղածությամբ կարող եմ վերհիշել ու պաշտել:

 

Դու պարգևեցիր ինձ գոյություն, երիտասարդություն, որոնք դեռևս հեռու են քո ստեղծագործ ուժերին արժանի լինելուց: Համբուրելու եմ քո հողը, հենց որ ոտքս դնեմ նրա վրա, մինչև իսկ իմ գերեզմանը, իմ աճյունը հավատարմությամբ կուղեցեն քեզ»: