Միջոցառումներ Աբովյանի Ն. Վանյանի անվան թիվ 5 հիմնական դպրոցում

Կրթական 2014-10-17

Աբովյանի Ն.Վանյանի անվան թիվ 5 հիմնական դպրոցում 2014թ. հոկտեմբերի 15-ից 17-ը «Երգը բարեկամության կամուրջ է» ռուսական երգի 3-րդ հանրապետական փառատոնի շրջանակներում կազմակերպվեցին մի շարք միջոցառումներ: Հոկտեմբերի 15-ին կազմակերպվեց գրական-երաժշտական ցերեկույթ:

Ե´վ Հայաստանը, և´ Ռուսաստանը մեծակորով հաղթանակների, վերելքների, նույնիսկ անկումների պահերին միասին են եղել` դառնալով իրար հույս ու ապավեն, զորավիգ ու հենարան, բալասանելով միմյանց վերքերն ու սրբելով միմյանց աչքերը:

Երկու ժողովուրդների բարեկամությունը շատ հին է: Իրենց ժողովուրդների ազատությանն ու առաջադիմությանը նախանձախնդիր հայ և ռուս գրողները միշտ էլ եղել են բարեկամության ջահակիրներ և առաջամարտիկներ:

Միջոցառման նպատակն էր հայ դպրոցականին հաղորդակից դարձնել ռուս ժողովրդի մշակութային և հոգևոր արժեքներին:

Հնչեցին ռուսական ժողովրդական, հայրենասիրական և էստրադային երգեր: Գրական-երաժշտական ցերեկույթն ավարտվեց ռուսական ժողովրդական պարով:

Հոկտեմբերի 16-ին փառատոնի շրջանակներում 4-րդ ռուսական ուսուցմամբ դաարանում կազմակերպվեց վիկտորինա «Խորհրդավոր Ռուսաստան» խորագրով:

Դասարանը բաժանվել էր երեք խմբի: Յուրաքանչյուր խումբ կրում էր Ռուսաստանի գետերի անունները`«Ամուր», «Վոլգա», «Լենա»:

Հարցեր առաջադրվեցին ռուս գրականությունից, երաժշտությունից, քերականությունից, ֆիզիկաաշխարհագրական տարածքից, եղան նաև հանելուկներ, խմբերի ղեկավարների մրցույթ, երգ ու պար:

Միջոցառումների շարքն ավարտվեց հոկտեմբերի 17-ին ռուսական երգին նվիրված «Երաժշտություն» առարկայի օրինակելի դասով:

Միջոցառումներ Աբովյանի Ն. Վանյանի անվան թիվ 5 հիմնական դպրոցում

Բաց մի թողեք նաև...