ԵՊՀ առաջին կուրսեցիները 3224-ն են

Հիշեցնենք` ԵՊՀ ընդունող հանձնաժողովի պատասխանատու քարտուղար Վաչագան Գալստյանի հավաստմամբ` անցած տարվա համեմատ` ընդհանուր դիմորդների թիվը նվազել է շուրջ 2000-ով, ինչը պայմանավորված է շրջանավարտների թվի նվազմամբ:

 

Այս տարի մրցակցությունը բարձր է եղել հատկապես Ռոմանագերմանական բանասիրության ֆակուլտետի անգլերենի բաժնում, Իրավագիտության, Միջազգային հարաբերությունների, Ինֆորմատիկայի և Կիրառական մաթեմատիկայի ֆակուլտետներում: Թափուր տեղեր մնացել են հիմնականում Ֆիզիկայի, Կենսաբանության, Ռուս բանասիրության, Աստվածաբանության ֆակուլտետներում:

 

«Ընդհանուր առմամբ ընդունելության գործընթացը գոհացուցիչ է: Մտահոգության տեղիք է տալիս որոշ ֆակուլտետներում չափից ավելի թափուր տեղերի քանակը: Դա, սակայն, նաև ազդակ է մեզ, որպեսզի հասկանանք՝ ինչ փոփոխություններ է պետք անել մյուս տարվա ընդունելության համար…»,- նշել էր ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը:

 

Աղբյուրը` ysu.am