Մարկոս Պիզելին` ՂՊԼ 10 ամենաթանկ լեգեոներների թվում

Ահա թե ինչ է Հայաստանի հավաքականի ֆուտբոլիստի մասին գրում կայքը.

 

«Պիզելին Հայաստանի հավաքականի նատուրալիզացված ֆուտբոլիստ է, Ռուսաստանի բարձրագույն խմբի մակարդակի խաղացող: Այդ կարգի ֆուտբոլիստները Ղազախստանի առաջնությունում այնքան էլ շատ չեն: Անցած տարվա վերջին ազատ գործակալի կարգավիճակով «Կրասնոդարից» տեղափոխվելով «Ակտոբե», Մարկոսը միանգամից հարմարվեց իր համար նոր երկրում և հաստատեց իր տրանսֆերային արժեքը, որը կազմում է մոտ 2 մլն 200 հազար դոլար:

 

«Ակտոբեի» կազմում Ղազախստանի առաջնությունում անցկացրած 18 հանդիպումների ընթացքում Պիզելին դարձել է 5 գոլի հեղինակ, ինչպես նաև կատարել 4 գոլային փոխանցում: Նշենք, որ ուղիղ մեկ տարի առաջ, երբ Մարկոսը «Կուբանից» տեղափոխվում էր «Կրասնոդար», ռուսական ԶԼՄ-ները հայ կիսապաշտպանի տրանսֆերը գնահատում էին գրեթե 4 մլն դոլար»:

Աղբյուր` http://armfootball.com/