Իսպանական դպրոցներում շախմատը դառնալու է պարտադիր առարկա

Իսպանիայում կրթական առաջին պետական հաստատությունը, որտեղ շախմատը սկսել են որպես լիարժեք առարկա դասավանդել, դարձել է Ալիկանտե նահանգի Էլչե քաղաքի CEIP Luis Vives դպրոցը:

 

Դա տեղի է ունեցել 18 տարի առաջ: Շախմատ սկսել են սովորել երրորդ և չորրորդ դասարանների աշակերտները, իսկ առարկայի համար շաբաթական 3 ակադեմիական ժամ է հատկացվել: 2007 թվականին այս դպրոց է այցելել Իսպանիայում հյուրընկալված աշխարհի նախկին չեմպիոն Անատոլի Կարպովը:

 

2014-15 ուսումնական տարվա ծրագրում շախմատն ուսումնական ծրագրում ներառել է նաև Կոստա Բլանկայի ափամերձ Ալտեա քաղաքի մեկ այլ դպրոց՝ CEIP L'Olla-ն:

 

Հիշեցնենք, որ Հայաստանն առաջին երկիրն է, որը շախմատը ներառել է դպրոցական պարտադիր ծրագրում:

 

Կառավարության որոշմամբ, 2011 թվականի սեպտեմբերի 1-ից Հայաստանի հանրակրթական բոլոր դպրոցներում երկրորդ դասարանից շախմատը ներդրվել է որպես պարտադիր առարկա:

 

Լուրեր Հայաստանից - NEWS.am