«Լույս»-ի կրթաթոշակառուները նախագահական նստավայրում

Հանդիպմանը ներկա են եղել նաև աշխարհի լավագույն բարձրագույն ուսումնական հաստատություններում «Լույսի» աջակցությամբ սովորող ուսանողներ և շրջանավարտներ:

 

Ուսանողները ներկայացրել են «Զարգացնենք Հայաստանը» ծրագրի շրջանակներում իրականացվող  աշխատանքները, ստացած գիտելիքները, փորձառությունն ու կապերն ի բարօրություն Հայաստանի օգտագործելու ուղղությամբ ծրագրվող ձեռնարկումները և առաջին ոգևորիչ հաջողությունները:

 

Ավանդույթի համաձայն` Սերժ Սարգսյանը նոր ընդունված ուսանողներին հանձնել է «Լույս» հիմնադրամի կրթաթոշակին արժանանալու հավաստագրերը:

 

2014-2015թթ. կրթաթոշակին արժանացել է 57 նոր ուսանող՝ ամեն բուհից ոչ ավելի, քան 10 ուսանող, ովքեր առաջինն են դիմել ամբողջական փաթեթով:

 

Հանրապետության Նախագահը հաջողություն է մաղթել հանդիպման մասնակիցներին և պատրաստակամություն հայտնել պատասխանել նրանց յուրաքանչյուր հարցի, լսել ուսանողների և շրջանավարտների գաղափարները, կարծիքները, տեղեկանալ նրանց կատարած աշխատանքների մասին:

 

Աղբյուր` www.president.am