ԵՊՀ ուսանողներն Արցախում են

Հուլիսի 27-ից օգոստոսի 2-ը ԵՊՀ ուսանողների հետ տարվող աշխատանքների բաժինը և Ուսանողական խորհուրդը նախաձեռնել են ուսանողական վրանային ճամբար-բանակում, որին մասնակցում են նաև արցախցի երիտասարդները:

 

Ծրագրի նպատակն է խթանել ուսանողների հայրենաճանաչողական մղումները, մեկ հարկի տակ համախմբել Արցախի խնդիրներով մտահոգ երիտասարդներին, ովքեր տեսակետների և փորձի փոխանակման, նոր գիտելիքների ձեռքբերման միջոցով կամրապնդեն համագործակցության կապերն ու կնախաձեռնեն նոր ծրագրեր:

 

Վրանային պայմանները լավագույնս կօգտագործվեն ռազմահայրենասիրական դաստիարակության, առողջ ապրելակերպի և թիմային ոգու խթանման համար:

 

Ծրագրով նախատեսված են նաև մի շարք դասախոսություններ և սեմինարներ ուսանողական ինքնակառավարման խնդիրների, երիտասարդական կազմակերպությունների դերի, Արցախի պատմության, ԼՂՀ հիմնահարցի և այլ թեմաների վերաբերյալ, ինչպես նաև հանդիպումներ ԼՂՀ պետական բարձրաստիճան պաշտոնյաների հետ:

 

Աղբյուրը` www.ysu.am