Կհրատարակվի երաժշտության հանրագիտարան

Հայաստանի Հանրապետության մշակույթի նախարարությունը նախաձեռնել է «Հայ երաժշտության հանրագիտարան»-ի ստեղծումը և հրատարակումը:

 

Այս նպատակով ՀՀ մշակույթի նախարարի հրամանով ստեղծվել է հանձնաժողով, որի կազմում ընդգրկված են վաստակաշատ երաժշտագետներ, Հայկական հանրագիտարանի հրատարակչության, ՀՀ ԳԱԱ արվեստի ինստիտուտի, Երևանի Կոմիտասի անվան պետական կոնսերվատորիայի, Հայաստանի կոմպոզիտորների և երաժշտագետների միության, Հայաստանի երգչախմբային ընկերության ներկայացուցիչներ:

 

Հուլիսի 26-ին ՀՀ մշակույթի նախարարությունում հրավիրվել է վերոնշյալ հանձնաժողովի առաջին նիստը, ներկայացվել է նախարարության հանձնարարությամբ Հայկական հանրագիտարան հրատարակչության պատրաստած նախագիծը, որի շուրջ տեղի ունեցած մտքերի փոխանակության և առաջարկությունների քննարկմամբ` հստակեցվել է հանրագիտարանի կառուցվածքի և թեմատիկ բառացանկի սկզբունքները, ինչպես նաև ընթացիկ կազմակերպչական հարցեր:

 

Աղբյուրը` mincult.am