Գարնանը նվիրված միջոցառում Վաղարշապատի թիվ 11 հիմնական դպրոցում

Գարնանաշունչ բանաստեղծություններով, գարնանաբույր ծաղիկներով գարունն ասես դասարան էր մտել ու բոլորին համակել զարթոնքի տրամադրությամբ: Գարնանային թեմային զուգակցված՝ աշակերտները ներկայացրեցին մայրությանը նվիրված բանաստեղծություններ, երգեր, բեմականացում: 

 

Մայրերին անչափ ուրախություն պատճառեցին երեխաների ձեռքով պատրաստած նվերները: Հատկապես ձևավորած բացիկներն ու շնորհավորանքի խոսքերը հուզեցին մայրիկներին: Միջոցառումն անցնում էր գեղեցիկ անակնկալներով: Ներկաներին հետաքրքրել էր մորը նվիրված  ստեղծագործական շարադրություններից ընթերցված  հատվածները: Աշակերտները շնորհավորանքի խոսքեր ուղղեցին ուսուցչուհիներին, նրանց ծաղիկներ  և գեղեցիկ ակրոստիքոսներ նվիրեցին: Միջոցառմանը մասնակցում էին դասղեկ Ա. Մանուկյանի շրջանավարտները: Նրանց գալը և շնորհավորանքներն ուղղված ուսուցիչներին նույնպես անակնկալ էր: Միջոցառումը եզրափակվեց  Վահե Հայկի «Կաթիդ փարան չմոռանաս, մամա՛» պատմվածքի բեմականացմամբ: Բեմականացմանը մասնակցող Միլենայի, Հայկի, Լաուրայի և Արտյոմի խաղը առանձնապես դուր եկավ ներկաներին: 

 

Այսպես գեղեցիկ անակնկալներով, երգ ու պարով, բարձր տրամադրությամբ անցավ մայրության և գեղեցկության միամսյակը ամփոփող միջոցառումը: